बढ्यो सुनको मूल्य, तोलाको कति पुग्यो

काठमाडौं,साउन २६ । नेपाली बजारमा मंगलबार भने सुनको मूल्य बढेको छ। सोमबार तोलामा १ हजार रुपैयाले घटेको सुनको मूल्य मंगलबार भने तोलामा २ सय रुपैयाले बढेको हो ।

सोमबार प्रतितोला ८९ हजार रुपैयामा कारोबार भइरहेको छापावाल सुनको मूल्य आज बढेर तोलाको ८९ हजार २ सय रुपैयामा कारोबार भइरहेको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको मूल्य पनि प्रतितोला ८८ हजार ७ सय ५० रुपैयाँमा कारोबार भइरहेको छ ।

त्यस्तै आज चाँदीको मूल्य घटेको छ । आज चाँदीको मूल्य घटेर तोलाको १ हजार २ सय ५ रुपैयामा नै कारोबार भइरहेको महासंघले जनाएको छ ।