ढुंगाले लागेर जीप तिनाउमा खस्यो, चार जना घाईते

पाल्पा,साउन २६ । सिद्धार्थ राजमार्ग अन्तर्गत तिनाउँ गाउँपालिका ३ हेडबक्स नजिकै माथिबाट खसेको ढुङगाले लागेर स्कार्पियो जीप नदिमा खसेको छ।

पाल्पाबाट बुट्वल तर्फ जाँदै गरेको बा १८ प ७३३६ नम्बरको स्कर्पियो जिप लगभग २०० मिटर तल तिनाउ नदीमा खसेको प्रहरीले जनाएको छ ।

दुर्घटनामा परी जीपमा सवार ४ जना घाइते भएका छन। घाइतेहरुलाई थप उपचारको लागि बुटवल पठाइएको छ । घाइतेको नाम थर नखुलेको दोभान प्रहरी चौकि जनाएको छ ।

अहिले प्रहरी र स्थानियले घाइते उद्धारमा जुटेका छन।दुर्घटनाबारे विस्तृत विवरण आउन बाँकी रहेको छ।