कोरोना अपडेट: ३२ सय १८ संक्रमित थप, १९ जनाको मृत्यु

काठमाडौं, साउन २३। नेपालमा पछिल्लो २४ घण्टामा कोरोना भाइरसका ३ हजार २ सय १८ जना संक्रमित थपिएका छन् । यससंगै कुल संक्रमितको संख्या ७ लाख १२ हजार ७ सय ४० पुगेको स्वास्थ्य तथा जनसंख्या मन्त्रालयले जनाएको छ ।

२४ घण्टा समयावधिमा १७ सय २२ जना संक्रमणमुक्त भएका छन् । हालसम्म ६ लाख ६७ हजार २ सय ७० जना संक्रमणमुक्त भएका छन् । मन्त्रालयको तथ्यांकअनुसार गत २४ घण्टामा १३ हजार ५ सय ७६ जनाको परीक्षणबाट उक्त संक्रमण पुष्टि भएको हो ।

त्यसैगरी कोरोना संक्रमणबाट सोही समयावधिमा थप १९ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या १० हजार ३८ पुगेको स्वास्थ्य मन्त्रालयले जनाएको छ ।