लागूऔषधसहित ३ जना पक्राउ, कारोबारको यसरी पाए प्रहरीले सुइँको

बुटवल,साउन २२ । ठूलो परिमाणको लागूऔषधसहित रुपन्देहीको बुटबल उपमहानगरपालिका वडा नं. २ मैनाबगरस्थित एक घरबाट तीन जना पक्राउ परेका छन।पक्राउ पर्नेमा ४५ वर्षिया सानुदेवीसहित रुपन्देहीको सिद्दार्थ नगरपालिका वडा नं. ३ खजना घर भएका ४१ वर्षिय प्रकाश बानिया र नवलपरासी पश्चिम सरवाल गाउँपालिका वडा नं. ४ बस्ने ३५ वर्षिया शोभादेवी हरिजन रहेका छन् ।

उनीहरुको साथबाट प्रहरीले लागूऔषध सेरिजेक ४७६ थान, नुफ्रिन ४६२ थान, फिनारगन ४५७, नाइट्रोसन ७० ट्यबलेट, नाइट्रोभ्याट ६७५ ट्यापलेट र गाजा ४९० ग्राम बरामद गरेको लुम्बिनी प्रदेश प्रहरी कार्यालय दाङले जनाएको छ।

लागुऔषध कारोबार गर्दैछन भन्ने सूचनाको आधारमा ईलाका प्रहरी कार्यालय बुटवलबाट खटीएको प्रहरी टोलीले उनीहरुलाई बिहीबार साढे एक बजे पक्राउ गरेको हो । पक्राउ परेकामाथि थप अनुसन्धान भइरहेको प्रहरीले जनाएको छ।