कोरोना अपडेट: संक्रमित ३७२९, मृत्यु २५

काठमाडौं, साउन २२ । नेपालमा पछिल्लो २४ घण्टामा कोरोना भाइरसका ३ हजार ७ सय २९ जना संक्रमित थपिएका छन् । यससंगै कुल संक्रमितको संख्या ७ लाख १० हजार ५ सय ९ पुगेको स्वास्थ्य तथा जनसंख्या मन्त्रालयले जनाएको छ ।

सोही २४ घण्टा अवधिमा १८ सय ८५ जना संक्रमणमुक्त भएका छन् । हालसम्म ६ लाख ६५ हजार ५ सय ४८ जना संक्रमणमुक्त भएका छन् । मन्त्रालयको अनुसार २४ घन्टामा १५ हजार ६ सय ७५ जनाको परीक्षणबाट उक्त संक्रमण पुष्टि भएको हो ।

त्यस्तै कोरोना संक्रमणबाट थप २५ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या १० हजार १९ पुगेको स्वास्थ्य मन्त्रालयले तथ्यांक सार्वजनिक गरेको छ।