कोरोना अपडेट: १३ हजार परीक्षणमा ३१ सय संक्रमित थपिए
काठमाडौं, साउन १८ । नेपालमा पछिल्लो २४ घण्टामा कोरोना भाइरसका ३ हजार १ सय २५ जना संक्रमित थपिएका छन् । यससंगै कुल संक्रमितको संख्या ६ लाख ९९ हजार ६ सय ४९ पुगेको स्वास्थ्य तथा जनसंख्या मन्त्रालयले जनाएको छ ।
गत २४ घण्टामा १ हजार ९ सय २५ जना संक्रमणमुक्त भएका छन् । हालसम्म ६ लाख ५८ हजार १ सय २२ जना संक्रमणमुक्त भएका छन् । मन्त्रालयको अनुसार पछिल्लो २४ घण्टामा १३ हजार ८ सय ११ जनाको परीक्षणबाट २२७९ पिसीआर र ८४६ एन्टिजेन बिधिबाट संक्रमण पुष्टि भएको हो ।
सोही समयावधिमा कोरोना संक्रमणबाट थप २३ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ९ हजार ८ सय ८९ पुगेको स्वास्थ्य मन्त्रालयले जनाएको छ।