नुवाकोट शिवपुरीमा भालुको आक्रमणबाट एक घाइते

नुवाकोट,साउन १४ । जिल्लाको शिवपुरी गाउँपालिका वडा नम्बर ८ का एक ब्यक्ति भालुको आक्रमणबाट सख्त घाइते भएका छन् ।

शिवपुरी गाउँपालिका थानपतिका रमेश थापलिया भालुको आक्रमणबाट घाइते भएका हुन। थपलिया खानेपानी पाइप मर्मत गरेर फर्कने क्रममा भालुको आक्रमणमा परेका हुन।

भालुको आक्रमणबाट टाउको शरीर तथा हातमा गम्भीर चोट लागेका उनलाई उपचारार्थ काठमाडौ पठाइएको छ। घाइते थपलियाको हाल शिक्षण अस्पताल महाराजगन्जमा उपचार भैरहेको पारिवारिक श्रोतले जनाएको छ।

पछिल्लो समय शिवपुरी राष्ट्रिय निकुञ्जका वन्यजन्तु गाउँ गाउँमा पसेर किसानको खेतीपाती समेत नष्ट गर्दै आइरहेको किसानहरु बताउँछन् ।