आज १३ सय निको, ३३ सय संक्रमित थप
काठमाडौं, साउन १४ । नेपालमा पछिल्लो २४ घण्टामा कोरोना भाइरसका ३ हजार ३ सय ६५ जना संक्रमित थपिएका छन् । यससंगै कुल संक्रमितको संख्या ६ लाख ९० हजार ६ सय ४२ पुगेको स्वास्थ्य तथा जनसंख्या मन्त्रालयले जनाएको छ ।
गत २४ घण्टामै १३ सय ७३ जना संक्रमणमुक्त भएका छन् । हालसम्म संक्रमणमुक्त हुनेको संख्या ६ लाख ५० हजार ४ सय ४५ जना पुगेको मन्त्रालयले उल्लेख गरेको छ। मन्त्रालयका अनुसार सोही समयावधिमा १४ हजार २ सय ४२ जनाको कोरोना परीक्षण गर्दा २३५५ पिसीआर र १०३० एन्टिेजेन बिधिबाट संक्रमण पुष्टि भएको थियो ।
त्यस्तै गत २४ घण्टामा कोरोना संक्रमणबाट थप १६ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ९ हजार ८ सय ७ पुगेको तथ्यांक मन्त्रालयले उल्लेख गरेको छ ।