गुल्मीमा जीप दुर्घटना : तीन जनाको मृत्यु, ७ जना घाइते

गुल्मी, जिल्लामा जीप दुर्घटना तीन जनाको घटनास्थलमै मृत्यु भएको छ । भने ७ जना घाइते भएका छन् ।

जिल्लाको चन्द्रकोट गाउँपालिका शान्तिपुरबाट सदरमुकाम तम्घासका लागि छुटेको लु १ ज ४५५९ नम्बरको जीप आज बिहान ११ बजे मुसिकोट नगरपालिका–४ दोभान देखि करिब ३ किलोमिटर तल खसी दुर्घटनामा परेको प्रहरीले जनाएको छ ।

जीपमा ११ जना सवार रहेको बताइएको छ । घाइतेलाइ जिल्ला अस्पताल तर्फ ल्याउँदै गरिएको बताइएको छ । रुखमा झाडिमा अड्किएको र ड्राइभर पनि घाइते भएको बताइएको छ । मृतकहरुको भने पुष्टि हुन बाँकी रहेको छ । थप जानकारी आउन बाँकी रहेको प्रहरीले जनाएको छ।