कोरोना अपडेट: संक्रमित ३८९९, मृत्यु संख्या २०

काठमाडौं, साउन १२ । नेपालमा बितेको २४ घण्टामा कोरोना भाइरसका संक्रमित संख्या वृद्धि भएको छ । गत २४ घण्टामा कोरोना भाइरसका ३ हजार ८सय ९९ जना संक्रमित थपिएका छन् । यससंगै कुल संक्रमितको संख्या ६ लाख ८५ हजार ६ सय ७३ पुगेको स्वास्थ्य तथा जनसंख्या मन्त्रालयले जनाएको छ ।

सोही समयावधिमा १७ सय ७८ संक्रमणमुक्त भएका छन् । हालसम्म ६ लाख ४७ हजार ७९ जना संक्रमणमुक्त भएका छन् । २४ घण्टामा १७ हजार ५१८ जनालाई कोरोना परीक्षण गर्दा उक्त संक्रमण पुष्टि भएको हो ।

त्यसैगरि कोरोना संक्रमणबाट गत २४ घण्टामा थप २० जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ९ हजार ७ सय ५८ पुगेको स्वास्थ्य मन्त्रालयले जनाएको छ ।