बढ्यो कोरोना संक्रमण: २४ घण्टामा ३४२१ जना संक्रमित, मृत्यु २५

काठमाडौं, ११ साउन । नेपालमा कोरोना संक्रमणदर वृद्धि भएको छ । गत २४ घण्टामा कोरोना भाइरसका ३ हजार ४ सय २१ जना संक्रमित थपिएका छन् । यससंगै कुल संक्रमितको संख्या ६ लाख ८२ हजार ९ सय ४७ पुगेको स्वास्थ्य तथा जनसंख्या मन्त्रालयले जनाएको छ ।

२४ घण्टा समयमै १ हजार ६ जना ८२ संक्रमणमुक्त भएका छन् । हालसम्म ६ लाख ४५ हजार ३ सय १ जना संक्रमणमुक्त भएका छन् । २४ घन्टामा १७ हजार २७२ जनालाई कोरोना परीक्षण गर्दा २३९१ जना पिसीआर र १०३० जना एन्टिजेन विधिबाट संक्रमण पुष्टि भएको हो ।

त्यस्तै सोही समयावधिमा कोरोना संक्रमणबाट थप २५ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ९ हजार ७ सय ३८ पुगेको स्वास्थ्य मन्त्रालयले जनाएको छ ।