कोरोना अपडेट: संक्रमित २२३७, मृत्यु संख्या १८

काठमाडौं, साउन १०। नेपालमा बितेको २४ घण्टामा कोरोना भाइरसका २ हजार २ सय ३७ जना संक्रमित थपिएका छन् । यससंगै कुल संक्रमितको संख्या ६ लाख ८० हजार ५ सय ५६ पुगेको स्वास्थ्य तथा जनसंख्या मन्त्रालयले जनाएको छ ।

गत २४ घण्टामा २ हजार ५० जना संक्रमणमुक्त भएका छन् । हालसम्म ६ लाख ४३ हजार ६ सय १५ जना संक्रमणमुक्त भएका छन् ।

मन्त्रालयका अनुसार २४ घण्टा समयावधिमा १३ हजार ८ सय ३४ जनाको परीक्षणमा १५ सय ३९ जना पिसीआर र ६ सय ९८ जना एन्टिजेन बिधिबाट संक्रमण पुष्टि भएको हो ।