एउटै औषधिको मूल्य २५ करोड
काठमाडौ,साउन १० । एउटै औषधिको कतिसम्म महँगो होला ? सुन्दा अपत्यारिलो लागे पनि बास्तविकता हो जोल्जेन्स्मा नामको औषधिलाई २१ लाख २५ हजार अमेरिकी डलर (२५ करोड २८ लाख बढी) पर्छ ।
स्पाइनल मस्कुलर एट्रोफि (एसएमए) रोगका लागि यो दिइन्छ । भैरहवाकी २२ महिने सियोना श्रेष्ठ उक्त औषधिबाट उपचाररत छिन् । यी सानी नानीको महँगो उपचार यति बेला सामाजिक सञ्जालमा चर्चामा छ । एलिना गुरुङ श्रेष्ठ र डा. सन्दिप श्रेष्ठकी छोरी एलिनाको दुबईमा उपचार भइरहेको छ ।
सियोनालाई ५ महिना हुँदादेखि नै एसएमए रोगको लक्षण देखिएको थियो । यो रोग विश्वको दुर्लभ एंव महँगो मेरुदण्डसम्बन्धी रोग हो । सियोनाका अभिभावकले करिब २० महिनादेखि उनको विभिन्न देशमा उपचार गराइरहेका छन् । गत असार ३१ गते उनलाई दुबईको एक अस्पतालमा जोल्जेन्स्म नामक महँगो औषधि दिइएको हो ।
यो समाचार अन्नपूर्ण पोष्ट दैनिकमा प्रकाशित छ।