कोरोना अपडेट: १७ हजार परीक्षणमा २९ सय संक्रमित थपिए
काठमाडौं, साउन ८ । नेपालमा पछिल्लो २४ घण्टामा कोरोना भाइरसका २ हजार ९ सय ७७ जना संक्रमित थपिएका छन् । यससंगै कुल संक्रमितको संख्या ६ लाख ७६ हजार ७ सय ८ पुगेको स्वास्थ्य तथा जनसंख्या मन्त्रालयले जनाएको छ ।
२४ घण्टामा १ हजार ६ सय ७८ जना संक्रमणमुक्त भएका छन् । हालसम्म ६ लाख ३९ हजार ३ सय ६८ जना संक्रमणमुक्त भएकन छन् ।
मन्त्रालयको अनुसार २४ घन्टामा १७ हजार ३०८ जनामा गरिएको कोरोना परीक्षणबाट १९ सय ८२ पिसीआर र ९ सय ९५ जना एन्टिजेन विधिबाट संक्रमण पुष्टि भएको हो ।
त्यस्तै कोरोना संक्रमणबाट सोही समयावधिमा थप १८ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ९ हजार ६ सय ७९ पुगेको स्वास्थ्य मन्त्रालयले जनाएको छ ।