कोरोना अपडेट: २८३८ नयाँ संक्रमित, १४७५ निको

काठमाडौं, साउन ६। नेपालमा बितेको २४ घण्टामा कोरोना भाइरसका २ हजार ८ सय ३८ जना संक्रमित थपिएका छन् । यससंगै कुल संक्रमितको संख्या ६ लाख ७२ हजार ८ सय ७१ पुगेको स्वास्थ्य तथा जनसंख्या मन्त्रालयले जनाएको छ ।

२४ घण्टा समयावधिमा १ हजार ४ सय ७५ जना संक्रमणमुक्त भएका छन् । हालसम्म ६ लाख ३६ हजार ४ सय ३ जना संक्रमणमुक्त भएका छन् ।

सोही समयावधिमा थप ३० जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ९ हजार ६ सय ३७ पुगेको स्वास्थ्य मन्त्रालयले जनाएको छ ।