राष्ट्रिय प्रजातन्त्र पार्टी कुनै दलको पुच्छर होइन- अध्यक्ष लोहनी
काठमाडौ,साउन ६ । राष्ट्रिय प्रजातन्त्र पार्टी (राप्रपा)का अध्यक्ष प्रकाशचन्द्र लोहनीले राप्रपा कुनै पनि दलको पुच्छर नहुने टिप्पणी गरेका छन् ।
बुधबार सामाजिक सञ्जालार्फत नेता लोहनीले राप्रपा प्रजातन्त्रमा दलहरु बलियो हुनुपर्छ भन्ने मान्यता राख्ने मुख्य पार्टी भएकालेे कुनै पनि दलको पछि लागेर पुच्छर नबन्ने बताएका हुन् । सोही गुणका आधारमा संसदमा विश्वासको मत सन्दर्भमा नखुलेको समेत स्पष्ट पारेका छन् ।
उनले दलहरु बलियो हुनुपर्छ भन्ने मान्यता अनुरुप संसदमा बिस्वासको मतदान हुँदा राप्रपा तटस्थ रहेको उल्लेख गरेका छन् ।
अध्यक्ष लोहनीले कुनै दल प्रति पनि आग्रह या पूर्वाग्रह नराखेर राप्रपाले संसदमा गुण–दोषको आधारमा समर्थन या बिरोध गर्ने बताएका छन् ।
