कोरोना अपडेट: थप २४ सय संक्रमित, १२ सय निको

काठमाडौं, साउन ४ । नेपालमा बितेको २४ घण्टामा कोरोना भाइरसका २ हजार ४ सय ४५ जना संक्रमित थपिएका छन् । यससंगै कुल संक्रमितको संख्या ६ लाख ६८ हजार ७ सय ५१ पुगेको स्वास्थ्य तथा जनसंख्या मन्त्रालयले जनाएको छ ।

२४ घण्टामै १ हजार २ सय ५८ जना संक्रमणमुक्त भएका छन् । हालसम्म ६ लाख ३३ हजार ३ सय ३२ जना संक्रमणमुक्त भएको स्वास्थ्य मन्त्रालयको विज्ञप्तीमा उल्लेख छ । मन्त्रालयको अनुसार २४ घण्टामा सोमबार ११ हजार ६ सय ६४ जनाको कोरोना परीक्षणबाट २४ सय ४५ जनामा संक्रमण पुष्टि भएको हो ।

पछिल्लो २४ घण्टा समयावधिमा कोरोना संक्रमणबाट नेपालमा थप ३२ जनाको मृत्यु भएको छ । यससँगै कोरोना संक्रमणबाट  मृत्यु हुनेको संख्या ९ हजार ५ सय ८२ पुगेको स्वास्थ्य मन्त्रालयले जनाएको छ ।