सुनको भाउ बढ्यो, तोलाको कति?

काठमाडौ,साउन ४ । साताको दोस्रो दिन सोमबार सुनको भाउ बढेको छ। सुनको भाउ तोलामा २०० रुपैयाँले बढेको हो। योसँगै प्रतितोला फाइन गोल्ड ९२ हजार ८०० रुपैयाँ र तेजाबी गोल्ड ९२ हजार ३०० रुपैयाँ कायम भएको नेपाल सुनचाँदी व्यवसायी महासंघले जनाएको छ।

हिजो आइतबार भने सुनको भाउ तोलामा ६०० रुपैयाँले घटेको थियो। यो दिन प्रतितोला फाइन गोल्ड ९२ हजार ६०० रुपैयाँ र तेजाबी गोल्ड ९२ हजार १०० रुपैयाँमा कारोबार भएको थियो।

आज चाँदीको भाउ तोलामा ५ रुपैयाँ घटेर १ हजार २९० रुपैयाँ कायम भएको छ। हिजो तोलामा २५ रुपैयाँ घटेर चाँदी १ हजार २९५ रुपैयाँमा कारोबार भएको थियो।