काठे पुलबाट खसेर गोरखामा एक युवक बेपत्ता

गोरखा,साउन ३ । काठे पुलबाट खसेर गोरखामा एक युवक बेपत्ता भएका छन् । जिल्लाको चुमनुब्री गाउँपालिका–३ घट्टेखोलास्थित ठाडो खोलामा रहेको काठको पुलबाट खसेर एक युवक बेपत्ता भएका हुन ।

प्रदेश प्रहरी कार्यालय गण्डकीका अनुसार बेपत्ता हुनेमा सोही गाउँपालिकाका ३० वर्षीय विजय गुरुङ रहेका छन्। उनी दिदीलाई घरबाट लिएर फर्कंदै गर्दा अचानक पुलबाट खोलामा खसेर बेपत्ता भएको बताइएको छ ।

साउन १ गते राति करीब १ बजेको समयमा पुलबाट खसेका गुरुङको जिल्ला प्रहरी कार्यालय गोरखाबाट खटिएको टोलीद्वारा खोजी भइरहेको छ ।