कोरोना अपडेट: थप १८ सय ७५ संक्रमण, मृत्यु २१

काठमाडौं, साउन २ । नेपालमा बितेको २४ घण्टामा कोरोना भाइरसका १ हजार ८ सय ७५ जना संक्रमित थपिएका छन् । यससंगै कुल संक्रमितको संख्या ६ लाख ६५ हजार ८ सय ८६ पुगेको स्वास्थ्य तथा जनसंख्या मन्त्रालयले जनाएको छ ।

गत २४ घण्टामा २ हजार १ सय ६४ जना संक्रमणमुक्त भएका छन् । हालसम्म कोरोनाबाट संक्रमणमुक्त हुनेको संख्या ६ लाख ३० हजार ४ सय ७ जना पुगेको छ । मन्त्रालयको अनुसार सोही समयमा १० हजार ६६ जनाका गरीएको परीक्षणमा १८ सय ७५ संक्रमण पुष्टि भएको हो ।

त्यस्तै कोरोना संक्रमणबाट पछिल्लो २४ घण्टामा थप २१ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ९ हजार ५ सय २७ पुगेको स्वास्थ्य मन्त्रालयले जनाएको छ ।