कोरोना अपडेट: २६ सय संक्रमित थप, ३३ मृत्यु

काठमाडौं, असार ३१ । नेपालमा बितेको २४ घण्टामा कोरोना भाइरसका २ हजार ६ सय ७६ जना संक्रमित थपिएका छन् । यससंगै कुल संक्रमितको संख्या ६ लाख ६२ हजार ५ सय ७० पुगेको स्वास्थ्य तथा जनसंख्या मन्त्रालयले जनाएको छ ।

सोही समयावधिमा १ हजार ७ सय ५७ जना संक्रमणमुक्त भएका छन् । हालसम्म नेपालमा ६ लाख २६ हजार ४ सय ६८ जना संक्रमणमुक्त भएका छन्। मन्त्रालयको अनुसार १२ हजार ७ सय ६८ जनाको परीक्षणमा पिसीआर विधिबाट १७ सय ८२ र एन्टिजेन विधिबाट ८ सय ९४ जनामा संक्रमण पुष्टि भएको हो ।

त्यस्तै कोरोना संक्रमणबाट गत २४ घण्टामा थप ३३ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ९ हजार ४ सय ६३ पुगेको स्वास्थ्य मन्त्रालयले जनाएको छ ।