कुल ११ हजार परीक्षणबाट २३ सय संक्रमित थपिए, २ हजार मुक्त
काठमाडौं, असार २९ । नेपालमा पछिल्लो २४ घण्टामा कोरोना भाइरसका २ हजार ३ सय ९८ जना संक्रमित थपिएका छन् । यससंगै कुल संक्रमितको संख्या ६ लाख ५८ हजार ६ सय ७८ पुगेको स्वास्थ्य तथा जनसंख्या मन्त्रालयले जनाएको छ ।
गत २४ घण्टामै २ हजार ७८ जना संक्रमणमुक्त भएका छन् । हालसम्म कोरोनाबाट ६ लाख २३ हजार १ सय ५ जना संक्रमणमुक्त भएको स्वास्थ्य मन्त्रालयले जारी गरेको विज्ञप्तीमा उल्लेख छ ।
२४ घण्टा समयावधिमा ११ हजार १२ जनामा परीक्षण गर्दा १६ सय ३९ जना पिसीआर र ७५९ जना एन्टिजेन विधिबाट संक्रमण पुष्टि भएको हो ।
त्यस्तै कोरोना संक्रमणबाट २४ घण्टामा थप १२ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ९ हजार ४ सय १२ पुगेको स्वास्थ्य मन्त्रालयद्वारा जारी विज्ञप्तीमा उल्लेख छ ।