कोरोना अपडेट: संक्रमित २३७०, निको ११३३, मृत्यु १८

काठमाडौं, असार २८ । नेपालमा बितेको २४ घण्टामा कोरोना भाइरसका २ हजार ३ सय ७० जना संक्रमित थपिएका छन् । यससंगै कुल संक्रमितको संख्या ६ लाख ५७ हजार १ सय ३९ पुगेको स्वास्थ्य तथा जनसंख्या मन्त्रालयले जनाएको छ ।

सोही समयमा १ हजार १ सय ३३ जना संक्रमणमुक्त भएका छन् । हालसम्म ६ लाख २१ हजार २७ सय जना संक्रमणमुक्त भएका छन् । आज ११ हजार ५ सय ८४ जनामा गरिएको परीक्षणबाट १६ सय ९० पिसीआर विधिबाट र ६ सय ८० जना एन्टिजेन विधिबाट संक्रमण पुष्टि भएको मन्त्रालयले जनाएको छ ।

कोरोना संक्रमणबाट पछिल्लो २४ घण्टामा थप १८ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ९ हजार ४ सय पुगेको स्वास्थ्य मन्त्रालयले जनाएको छ ।