सर्वोच्च अदालतको फैसला विवेकपूर्ण फैसला-नेपाली कांग्रेस
काठमाडौ,असार २८ । सर्वोच्च अदालतको फैसला विवेकपूर्ण रहेको नेपाली काङ्ग्रेसले प्रतिक्रिया दिएको छ ।
अदालतको फैसलालगत्तै प्रतिक्रिया दिँदै कांग्रेस प्रवक्ता विश्वप्रकाश शर्माले एउटा इतिहास निर्माण गर्ने अवसर र दायित्व कांग्रेसको काँधमा आएको पनि उल्लेख गरेका हुन ।
सर्वोच्च अदालतको संवैधानिक इजलाशले सोमबार प्रधानमन्त्री केपी ओलीले गराएको प्रतिनिधि सभा विघटनलाई दोस्रो पटक बदर गर्दै प्रधानमन्त्रीमा कांग्रेस सभापति शेरबहादुर देउवालाई नियुक्त गर्न परमादेश समेत जारी गरेको छ ।
पार्टीका तर्फबाट प्रतिक्रिया दिँदै शर्माले भने, ‘राष्ट्रपति र प्रधानमन्त्रीको आवेगपूर्ण कदम सच्याउँदै सम्मानित संवैधानिक इजलासको विवेकपूर्ण फैसला ! लिक बाहिर धकेलिएको संविधानलाई ट्र्याकमा फर्काउने कदम ।’
सामाजिक सञ्जाल ट्वीटरमा शर्माले थप लेखेका छन् , ‘केवल सरकार निर्माण होइन इतिहास निर्माणको अवसरका रूपमा यसलाई उपयोग गर्नुपर्ने दायित्व कांग्रेसको काँधमा ।’