कोरोना अपडेट: थप १८३१ संक्रमित, १५५३ मुक्त

काठमाडौं, असार २७ । नेपालमा पछिल्लो २४ घण्टामा कोरोना भाइरसका १ हजार ८ सय ३१ जना संक्रमित थपिएका छन् । यससंगै कुल संक्रमितको संख्या ६ लाख ५७ हजार २ सय ८० पुगेको स्वास्थ्य तथा जनसंख्या मन्त्रालयले जनाएको छ ।

मन्त्रालयको अनुसार २४ घण्टामा १ हजार ५ सय ५३ जना संक्रमणमुक्त भएका छन् । हालसम्म ६ लाख २० हजार ४ सय २७ जना संक्रमणमुक्त भएका छन् ।

पछिल्लो २४ घण्टामा  कोरोना संक्रमणबाट  थप २० जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ९ हजार ४ सय २ पुगेको स्वास्थ्य मन्त्रालयले जनाएको छ ।