नुवाकोट शिवपुरीका शिक्षकबीच हाजिरीजवाफ प्रतियोगिता
नुवाकोट,असार २५ । जिल्लाको शिवपुरी गाउँपालिकाका आधारभूत तहका शिक्षकहरु बीच हाजिरीजवाफ प्रतियोगिता सम्पन्न भएको छ। शुक्रबार गाउँपालिकाको सभाहलमा भएको प्रतियोगितामा सेवा क्षेत्रका १३ वटा सामुदायिक विद्यालयका शिक्षक/शिक्षिका सहभागी थिए।
प्रतियोगितामा शिवपुरी गाउँपालिका वडा नम्बर ५ मा रहेको नमूना विद्यालय जानकी माध्यमिक विद्यालयका उत्सवराज खड्का र शर्मिला थापाको समुह पहिलो, वडा नम्बर ६ मा रहेको समुन्द्रादेवी माध्यमिकका माधब पोखरेल र महेन्द्र ढकालको विद्यालय समुह दोस्रो र वडा नम्बर ८ मा अवस्थित जनज्ञान निकेतन माध्यमिक विद्यालयका शिक्षक/शिक्षिका तेस्रो भएका थिए ।
पुरस्कृत शिक्षक/शिक्षिकालाई गाउँपालिकाकी उपाध्यक्ष मन्जु केसीले नगदसहित प्रमाणपत्र प्रदान गरेकी थिइन ।
