कोरोना अपडेट: थप २२३९ संक्रमित, निको १३१६

काठमाडौं, असार २५ । नेपालमा बितेको २४ घण्टामा कोरोना भाइरसका २ हजार २ सय ३९ जना संक्रमित थपिएका छन् । यससंगै कुल संक्रमितको संख्या ६ लाख ५२ हजार८ सय ५९ पुगेको स्वास्थ्य तथा जनसंख्या मन्त्रालयले जनाएको छ ।

त्यस्तै २४ घण्टा समयमा १ हजार ३ सय १६ जना संक्रमणमुक्त भएका छन् । हालसम्म ६ लाख १६ हजार ९ सय २९ जना संक्रमणमुक्त भएका छन् । मन्त्रालयको अनुसार २४ घन्टामा ११ हजार ३१३ परीक्षणमा १४ सय ७९ जना पिसीआर विधिबाट र ७ सय ६० जना एन्टिजेन विधिबाट संक्रमण पुष्टि भएको हो ।

कोरोना संक्रमणबाट थप २० जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ९ हजार ३ सय ४० पुगेको स्वास्थ्य मन्त्रालयले जनाएको छ ।