सुनसरीमा तासको खालबाट नगद सहित ४ जना पक्राउ

सुनसरी,असार २४ । जिल्ला प्रहरी कार्यालय सुनसरीले जुवाको खालबाट नगद सहित चार जनालाई पक्राउ गरेको छ। जिल्लाको वराहक्षेत्र नगरपालिका-५ कालावन्जर स्थित ‘द फायर एण्ड पुल हाउस’ ( स्नुकर हाउस ) मा तास खेलिरहेको अबस्थामा पक्राउ गरेको प्रहरीले जनाएको छ।

प्रहरीले जुवाखालबाट नगद एक लाख ४८ हजार ४९५ रुपियाँ बरामद गरेको जिल्ला प्रहरी कार्यालय सुनसरीला सुचना अधिकारी प्रहरी नायब उपरीक्षक नरेन्द्र कार्कीले जानकारी दिनुभयो।विशेष सुचनाका आधारमा छापा हान्दा उनिहरु तास खेलिरहेको अबस्थामा भेटिएको कार्कीको भनाई छ।

पक्राउ परेका उनिहरुलाई मुलुकी अपराध (सहिता) ऐन २०७४ को परिच्छेद ५ को दफा १२५ बमोजिम सात दिन म्याद थप गरी कारबाहि प्रक्रिया अघि बढाईएको छ ।