कोरोना अपडेट: १८ सय ७५ जनामा संक्रमण, १२ सय मुक्त

काठमाडौं, असार २४ । नेपालमा पछिल्लो २४ घण्टामा कोरोना भाइरसका १ हजार ८ सय ७५ जना संक्रमित थपिएका छन् । यससंगै कुल संक्रमितको संख्या ६ लाख ५१ हजार ३ सय ८० पुगेको स्वास्थ्य तथा जनसंख्या मन्त्रालयले जनाएको छ ।

सोही समयावधिमा १ हजार २ सय ८६ जना संक्रमणमुक्त भएका छन् । हालसम्म देशमा ६ लाख १५ हजार ६ सय १३ जना संक्रमणमुक्त भएका छन् । मन्त्रालयको अनुसार १० हजार ५ सय ४ जनाको परीक्षणमा १२१८ पिसीआर विधिबाट र ६५७ जना एन्टिजेन विधिबाट संक्रमण पुष्टि भएको हो ।

पछिल्लो २४ घण्टामा कोरोना संक्रमणबाट थप २९ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ९ हजार ३ सय २० पुगेको स्वास्थ्य मन्त्रालयले उल्लेख गरेको छ ।