कोरोना अपडेट: थप २९ सय ७९ संक्रमित, २८ जनाको मृत्यु

काठमाडौं, असार २३ । नेपालमा बितेको २४ घण्टामा कोरोना भाइरसका २ हजार ९ सय ७९ जना संक्रमित थपिएका छन् । यससंगै कुल संक्रमितको संख्या ६ लाख ५१ हजार ६४ पुगेको स्वास्थ्य तथा जनसंख्या मन्त्रालयले जनाएको छ ।

२४ घण्टा समयावधिमा ७ हजार ८ सय ३५ परीक्षणमा २०७७ र ४ हजार ३६ जनाको एन्टिजेन विधिबाट ९०२ जनामा संक्रमण पुष्टि भएको हो । २३ हजार ७ सय ५६ जना संक्रमितको उपचार भैरहेको मन्त्रालयले जनाएको छ ।

कोरोना संक्रमणबाट सोही समयावधिमा २८ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ९ हजार २ सय ९१ पुगेको स्वास्थ्य मन्त्रालयले जनाएको छ ।