नेपालमा बढ्यो कोरोना संक्रमण:थप २६३४ संक्रमित थपिए
काठमाडौ,असार २२ । नेपालमा पुनः कोरोना संक्रमण लगातार दोस्रो दिन निको हुनेको संख्याभन्दा नयाँ संक्रमितको संख्या बढी थपिएका छन् । लामो समय निको हुनेको संख्या बढी हुँदै आएकोमा पछिल्लो केही दिनयता नयाँ संक्रमितको संख्याले निको हुनेभन्दा ज्यादा देखिएको हो ।
पछिल्लो २४ घण्टामा कुल २६३४ जनामा कोरोनाभाइरसको संक्रमण पुष्टि भएका छन् भने १५ सय ६५ जना संक्रमणमुक्त भएका छन् । कुल १२ हजार ५८५ जनाको परीक्षण गर्दा पीसीआर विधिबाट १७१८ जना तथा एन्टिनजेन विधिबाट ९१६ जनामा संक्रमण पुष्टि भएको हो ।
सोमबार स्वास्थ्य तथा जनसंख्या मन्त्रालयका अनुसार पीसीआर विधिबाट ७ हजार ४९९ र एन्टिजेन विधिबाट ४ हजार २८ जनाको परीक्षण गर्दा २६२२ जनामा संक्रमण पुष्टि भएको थियो । यही अविधमा थप २२११ जनामा कोरोना संक्रमणमुक्त भएका थिए । २४ घण्टा समयावधिमा थप १५ जनाको कोरोनाबाट मृत्यु भएको तथ्यांक स्वास्थ्य मन्त्रालयले प्रकाशित गरेको छ ।