११ हजार ५ सय परीक्षणमा २६२२ जनामा संक्रमण पुष्टि
काठमाडौं, असार २१ । नेपालमा पछिल्लो २४ घण्टामा कोरोना भाइरसका २ हजार ६ सय २२ जना संक्रमित थपिएका छन् । यससंगै कुल संक्रमितको संख्या ६ लाख ४६ हजार ३ सय ६७ पुगेको स्वास्थ्य तथा जनसंख्या मन्त्रालयले जनाएको छ ।
सोही समयावधिमा २ हजार २ सय ११ जना संक्रमणमुक्त भएका छन् । हालसम्म ६ लाख ११ हजार ४ सय २९ जना संक्रमणमुक्त भएका छन् ।
मन्त्रालयको अनुसार ११ हजार ५ सय २७ परीक्षणबाट १७ सय ४५ पिसीआर विधीबाट र ८ सय ७७ जना एन्टिजेन विधिबाट २६ सय २२ जनामा संक्रमण पुष्टि भएको हो ।
पछिल्लो २४ घण्टामा नेपालमा कोरोना संक्रमणबाट थप २३ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ९ हजार २ सय ४८ पुगेको स्वास्थ्य मन्त्रालयले जनाएको छ ।