बैतडीमा जीप दुर्घटना हुँदा दुई जनाको मृत्यु

काठमाडौँ,असार २० । बैतडीको सिगास गाउँपालिका–३ लगनमा जीप दुर्घटना हुँदा दुई जनाको मृत्यु भएको छ। १० जना घाइते भएका छन् ।

जिल्ला प्रहरी कार्यालयका प्रमुख प्रहरी नायब उपरीक्षक रमेश पालले आइतबार बिहान से १ ज ७३९ नम्बरको जीप दुर्घटनामा परेको हो। मृत्यु हुनेमा सिगास गाउँपालिका–३ का ४५ वर्षीय मान सिंह सावद र ६४ वर्षीय राम सिंह धामी रहेको पालले जानकारी दिनुभयो ।

दुर्घटनामा घाइते भएकाहरुमध्ये ४ जनाको अवस्था गम्भीर छ । उनीहरुको डडेल्धुरा अस्पतालमा उपचार भइरहेको प्रहरी नायब उपरीक्षक पालले बताउनुभयो । जीप सडकबाट झण्डै ५० मिटर तल खसेको छ ।