सर्लाही रामनगर गाउँपालिकाका अध्यक्षको निधन

सर्लाही,असार २० । जिल्लाको रामनगर गाउँपालिकाका अध्यक्ष कृष्णप्रसाद बर्माको निधन भएको छ ।

काठमाडौंस्थित मेडिसिटी अस्पतालमा अध्यक्ष बर्माको उपचारका क्रममा निधन भएको हो ।

७० वर्षीय बर्मा उच्च रक्तचाप, मधुमेह, मुटुका रोगबाट पीडित थिए । पछिल्लो पटक सिकिस्त भएपछि उनलाई उपचारका लागि काठमाडौं लगिएको थियो ।

२०७४ साल असोजमा भएको स्थानीय तहको निर्वाचनमा बर्मा नेपाली कांग्रेसबाट गाउँपालिका अध्यक्षमा निर्वाचित भएका थिए ।