थप २३ सय २८ संक्रमित, १९ को मृत्यु

काठमाडौं, असार १९ । नेपालमा बितेको २४ घण्टामा कोरोना भाइरसका २३ सय २८ जना संक्रमित थपिएका छन् । यससंगै कुल संक्रमितको संख्या ६ लाख ४३ हजार ५ सय ८० पुगेको स्वास्थ्य तथा जनसंख्या मन्त्रालयले जनाएको छ ।

२४ घण्टामा ३ हजार ६६ जना संक्रमणमुक्त भएका छन् । हालसम्म नेपालमा ६ लाख ६ हजार ६ सय ६६ संक्रमणमुक्त भएका हुन्। मन्त्रालयको अनुसार पछिल्लो २४ घण्टामा १० हजार १ सय ३३ जनाको परीक्षण भएको थियो।

कोरोना संक्रमणबाट सोही समयावधिमा थप १९ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ९ हजार १ सय ९८ पुगेको स्वास्थ्य मन्त्रालयले जनाएको छ ।