काठमाडाैँमा टिपर दुर्घटना, नुवाकोटका दुई जनाको मृत्यु
काठमाडौ,असार १९ । काठमाडौँको थलीमा घरमाथि टिपर पल्टिदाँ सुतिरहेका श्रीमान् श्रीमतीको घटनास्थलमै मृत्यु भएको छ।
बा ५ ख २५११ नम्बरको टिपर शनिबार बिहान सवा ४ बजे टिपर घरमाथि पल्टिदाँ नुवाकोट घर भएका साइला तामाङ र जयन्ती तामाङको मृत्यु भएको प्रहरीले जनाएको छ ।
काठमाडौँको गोकर्ण रिसोर्ट नजिक थली ओरालोमा बालुवा बोकेको टिपर एक अस्थायी घरमा पल्टिएको हो ।
मृतक श्रीमान् श्रीमतीको शव पोस्टमार्टमका लागि शिक्षण अस्पताल महाराजगन्ज पठाइएको छ।
टहरामा पल्टिएको टिपर निकाल्ने काम भइरहेको प्रहरीले जनाएको छ।
प्रहरीले टिपर चालक गोविन्द घलानलाई नियन्त्रणमा लिएको छ।