शिवपुरी गाउँपालिकाले खरिद गर्यो नयाँ एम्बुलेन्स

नुवाकोट,असार १९ । जिल्लाको शिवपुरी गाउँपालिकाले नयाँ एम्बुलेन्स खरिद गरेको छ। संचालनमा रहेको एम्बुलेन्स पुरानो भएपछि नयाँ खरिद गरेको गाउँपालिका श्रोतले जनाएको छ।

नयाँ एम्बुलेन्स खरिदका लागि गाउँ पालिकाले आर्थिक वर्ष ७७/७८ को बजेटमा रुपैयाँ १५ लाख विनियोजन गरेको थियो।

एमबीबीएस डाक्टरसहितको स्वास्थ्य सेवा दिइरहेको गाउँपालिकाले नयाँ एम्बुलेन्स खरिदसंगै जटिल तथा आकस्मिक बिरामी अन्यत्र लैजान थप सहयोग पुग्ने अपेक्षा लिएको बताएको छ।