कपिलवस्तुको चप्परगाउँमा स्कारपियो दुर्घटना, एक जनाको मृत्यु

कपिलवस्तु,असार १८ । जिल्लाको वाणगंगा नगरपालिकास्थित चप्परगाउँमा भएको स्कारपियो दुर्घटनाका घाइते मध्ये एक जनाको मृत्यु भएको छ । मृत्यु हुनेमा रुपन्देहीको ओमसतिया गाउँपालिका निवासी विक्रम खनाल रहेको इलाका प्रहरी कार्यालय पिपराले जनाएको छ । वाणगंगा ८ चप्परगाउँमा आज (शुक्रबार) दिउँसो पूर्वबाट पश्चिमतर्फ जादै गरेको बा १६ च ८०९८ नम्बरको स्कापियो दुर्घटना भएको हो । स्कारपियो सडकबाट नालामा खसेको छ ।

चार जना सवार स्कारपियोमा रुपन्देहीको ओमसतिया गाउँपालिकाका बिमल अधिकारी पनि घाइते भएको इलाका प्रहरी कार्यालय पिपराका इन्सपेक्टर दिनेश गुरुङले जानकारी दिनुभयो । अरुको स्वास्थ्यस्थिति सामान्य रहेको छ ।

दुर्घटना तीव्र गतिको कारण भएको जनाइएको छ। स्रोतका अनुसार स्कारपियो विवाहमा सहभागी हुन पश्चिम तर्फ जादै थियो । दुर्घटना भएको स्कारपियो भित्र मदिराको बोतल भेटिएको जनाइएको छ ।