कोरोना अपडेट: संक्रमित २२९९, मृत्यु ३४ जना
काठमाडौ,असार १८ । नेपालमा बितेको २४ घण्टामा थप २ हजार २९९ जनामा कोरोना संक्रमित थपिएका छन् । कुल १० हजार ५९६ जनामा गरिएको पीसीआर परीक्षणमा १३९१ जना र एन्टिजेन विधिबाट ९०८ जनामा कोरोना पुष्टि भएको मन्त्रालयले जनाएको छ । यससँगै हालसम्म नेपालमा पीसीआर विधिबाट ६ लाख ४२ हजार ५३ जनामा र एन्टिजेन विधिबाट ३६ हजार ७५५ जनामा संक्रमण संक्रमण पुष्टि भइसकेको तथ्यांक मन्त्रालयले सार्वजनिक गरेको छ ।
पछिल्लो २४ घण्टा समयावधिमा थप ३४५१ संक्रमणमुक्त भएका छन् । हालसम्म नेपालमा ६ लाख ३६०० जनाले कोरोना जित्न सफल भएका छन् । नेपालमा निको हुने दर ९४ प्रतिशत रहेको छ । हाल २६ हजार ३३६ जना होम आइसोलेसन, २ हजार ९३८ जना संस्थागत आइसोलेसन, ६३२ जना आइसीयू र १८१ जना भेन्टिलेटरमा रहेका छन् ।
कोरोना संक्रमणबाट १४ घण्टामा ३४ जनाले ज्यान गुमाएका छन् । हालसम्म ९ हजार १७९ जनाले ज्यान गुमाइसकेका छन् । नेपालमा कोरोनाबाट मृत्यु हुने दर १.५ प्रतिशत रहेको उल्लेख छ ।