कोरोना अपडेट: डिस्चार्ज ४०१७, थप संक्रमित २७ सय बढी

काठमाडौं, असार १७ । नेपालमा बितेको २४ घण्टामा कोरोना भाइरसका २ हजार ७ सय ६० जना संक्रमित थपिएका छन् । यससंगै कुल संक्रमितको संख्या ६ लाख ४० हजार ६ सय ६२ पुगेको स्वास्थ्य तथा जनसंख्या मन्त्रालयले जनाएको छ ।

२४ घण्टामा ४ हजार १७ जना संक्रमणमुक्त भएका छन् । हालसम्म ६ लाख १ सय ४९ जना संक्रमणमुक्त भएका छन् । स्वास्थ्य मन्त्रालयको अनुसार पछिल्लो २४ घन्टामा १० हजार ९ सय ८५ जनाको परीक्षणबाट १८ सय ५७ जना पिसीआर विधिबाट र ९०३ जना एन्टीजेन विधिबाट संक्रमण पुष्टि भएको हो ।

कोरोना संक्रमणबाट २४ घण्टा समयावधिमा थप ३३ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ९ हजार १ सय ४५ पुगेको स्वास्थ्य मन्त्रालयले जनाएको छ ।