बढ्यो कोरोना संक्रमित, पछिल्लो २४ घण्टामा २८ सय बढीमा संक्रमण

काठमाडौ,असार १६ । नेपालमा पछिल्लो २४ घण्टामा नेपालमा कोरोना संक्रमणदर वृद्धि भएको छ। यस अवधिमा २८ सय बढीमा कोरोनाभाइरस संक्रमण पुष्टि भएको हो । तथ्यांकले पुनः संक्रमण बढ्ने हो कि भन्ने आशंका समेत उब्जाएको छ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा २८९२ जनामा संक्रमण पुष्टि भएको हो । यसअघि मंगलबार २६३६ जनामा संक्रमण पुष्टि भएको थियो । जबकी सो दिन ११ हजार ७४८ जनाको परीक्षण भएको थियो । बुधबार भने मंगलबारको भन्दा केही कम अर्थात ११ हजार ५६८ जनामा परीक्षण भएको मन्त्रालयले उल्लेख गरेको छ । 

सोही समयावधिमा ४१ जनाको मृत्यु भएको छ । यस्तै ३ हजार ५९७ जना निको भएको तथ्यांक मन्त्रालयले सार्वजनिक गरेको छ ।