कोरोना अपडेट: संक्रमण २६३६, ४३४८ जना संक्रमणमुक्त

काठमाडौ,असार १५ । नेपालमा पछिल्लो २४ घण्टामा थप २ हजार ६३६ जनामा कोरोनाभाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ। त्यस्तै मन्त्रालयका अनुसार सोही समयावधिमा २० जनाको मृत्यु भएको छ । 

बितेको २४ घण्टामा थप ४ हजार ३४८ जना संक्रमणमुक्त भएका छन् । सो अवधिमा ११ हजार ७४८ जनाको परीक्षण भएकोमा पीसीआर विधिबाट ७ हजार २५९ र एन्टिजेन विधिबाट ४ हजार ४८९ जनाको परीक्षण भएको थियो । 

यससँगै देशभर कोरोना संक्रमितको कुल संख्या ६ लाख ३६ हजार ९१६(पीसीआर) र ३३ हजार ९४१ (एन्टिजेन) जना पुगेको छ भने निको हुनेको संख्या ५ लाख ९२ हजार ५३५ पुगेको छ । 

देशभर हालसम्म मृतकको कुल संख्या ९ हजार ७१ पुगेको मन्त्रालयले उल्लेख गरेको छ ।