पञ्चकन्याको प्रमुख प्रशासकीय अधिकृतमा हेमनारायण महतो नियुक्त
नुवाकोट,असार १४ । जिल्लास्थित पञ्चकन्या गाउँपालिकाको निमित्त प्रमुख प्रशासकीय अधिकृतमा हेमनारायण महतो नियुक्त भएका छन ।
सोमबार गाउँपालिकामा सम्पन्न न्यायिक समितिको बैठकले प्रमुख प्रशासकीय अधिकृतमा महतोलाई सिफारिस गरेको हो। अधिकृत नरेश पुडासैनीलाई मन्त्रालयले केन्द्रमा सरुवा गरेसंगै चालु आर्थिक वर्षको भुक्तानी लगायतका कार्य तथा प्रशासनिक कार्य सहजताका लागि तत्काल उनलाई निमित्त प्रमुख प्रशासकीय अधिकृत तोक्ने निर्णय गरिएको गाउँपालिका अध्यक्ष तेजबहादुर तामाङले जानकारी दिए ।
महतो पञ्चकन्या गाउँपालिकाको स्वास्थ्य शाखा प्रमुख समेत हुन् ।