११ हजार परीक्षणमा २४ सय ४४ संक्रमित थपिए

काठमाडौं, असार १४ । नेपालमा पछिल्लो २४ घण्टामा कोरोना भाइरसका २ हजार ४ सय ४४ जना संक्रमित थपिएका छन् । यससंगै कुल संक्रमितको संख्या ६ लाख ३५ हजार १ सय ८८ पुगेको स्वास्थ्य तथा जनसंख्या मन्त्रालयले जनाएको छ ।

सोही २४ घण्टामा ३ हजार ८ सय ५३ जना संक्रमणमुक्त भएका छन् । हालसम्म नेपालमा ५ लाख ८८ हजार १ सय ८७ जना संक्रमणमुक्त भएका छन् । मन्त्रालयको अनुसार २४ घन्टामा ११ हजार ६ सय ४० जनाको परीक्षण गर्दा १५ सय ९ जना पिसीआर विधिबाट र ९ सय ३५ एन्टिजेन विधिबाट पुष्टि भएको हो ।

कोरोना संक्रमणबाट आज थप ४२ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ९ हजार ५१ पुगेको स्वास्थ्य मन्त्रालयले जनाएको छ ।