नेपालमा थप १९ सय २० जना कोरोना संक्रमित थपिए

काठमाडौं, असार १३। नेपालमा पछिल्लो २४ घण्टामा १ हजार ९ सय २० जना थप कोरोना संक्रमित थपिएका छन् । यससँगै कुल संक्रमितको संख्या नेपालमा ६ लाख ३४ हजार २४६ पुगेको मन्त्रलायले जनाएको छ ।

बितेको २४ घण्टामा कुल ६ हजार जनामा गरिएको परीक्षणमा १३ सय ५३ जना पिसीआर विधिबाट र  ५६७ जनाको एन्टिजेन विधिबाट कोरोना पुष्टि भएको मन्त्रालयले जनाएको छ ।

पछिल्लो २४ घण्टामा ३ हजार ७ जनाको संक्रमण मुक्त भएका छन् । कोरोना संक्रमणबाट थप ३४ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ९ हजार ९  पुगेको स्वास्थ्य मन्त्रालयले जनाएको छ ।