मोटरसाइकल दुर्घटना हुँदा मनहरीमा एकजनाको मृत्यु
हेटौंडा,असार १२ । मकवानपुरको मनहरी गाउपालिका वडा नम्बर-९ खरङ्गा स्थित पुर्वपश्चिम राजमार्गमा मोटरसाइकल दुर्घटना हुँदा एकजनाको मृत्युु भएको छ ।
दुर्घटनामा परि घाइते भएका मोटरसाइकल चालक महोत्तरी जिल्ला मनरा गाउपालिका वडा नम्बर २ बस्ने अंशु कुमार सिंहको मृत्यु भएको हो ।उनको उपचारको क्रममा चुरेहिल अस्पतालमा मृत्यु भएको मकवानपुरका निमित्त प्रहरी प्रवक्ता प्रहरी निरीक्षक देवेन्द्र दासले जानकारी दिए ।
मनहरीबाट हेटौंडा तर्फ आउने क्रममा सिंहले चलाएको लु १५ प ४६४३ नम्बरको मोटरसाइकल अनियंत्रित भइ दुर्घटना भएको थियो ।