नुवाकोटको सुनखानीमा एक पुरुष मृत फेला
नुवाकोट,असार १० । जिल्लाको शिवपुरी गाउँपालिका वडा नम्बर ७ सुनखानीमा एक पुरुष मृत फेला परेका छ्न।
मृत भेटिएका अन्दाजी ४० वर्षीय पुरुष विदुर नगरपालिका वडा नम्बर १२ का शम्भु मिजार रहेको प्रहरीले जनाएको छ।
सामान्य मानसिक सन्तुलन गुमाएका मिजार काठमाडौबाट बुधबार आमा भेट्न भनी हिडेको मृतकका बुबाले बताए। स्तरोन्नति भैरहेको गुर्जे- छहरे सडकखण्ड अन्तर्गत सिस्नेरी भीरको खोच नजिकै रहेको गोठमा मिजारलाई मृत भेटिएको स्थानीयले बताएका छन् ।
मृतकको शरीरमा रगत देखिएकाले घटनाको थप अनुसन्धान भैरहेको प्रहरीले जनाएको छ।