गुल्मीमा जीप दुर्घटनामा ६ जना घाइते

गुल्मी,असार ९ । जिल्लामा जीप दुर्घटनामा ६ जना घाइते भएका छन् । जिल्लाको सत्यवति गाउँपालिका वडानम्बर – ६ खैरेनिबाट जाेहाङ्ग तर्फ जाँदै गरेकाे लु२ च ३९६० नम्बरकाे डबल क्याप बाेलेराे जिप दुर्घटना भएको हो ।

दुर्घटनामा १ जना गम्भीर घाइते र अरु ५ जना सामान्य घाइते भएको प्रहरीले जनाएको छ । गम्भीर घाइते चालक ३३ वर्षका रण बहादुर गैरे टाउकाे चाेट अबस्था गम्भीर रहेको प्रहरीले जनाएको छ ।

अन्य सामान्य घाइते ६० वर्षका तुल्सिराम ढकाल , २६ वर्षकी आशा बि क, ७६ वर्षका लाेकेन्द्र ढकाल, ६२ वर्षका टाेपराज ढकाल, २४ वर्षका राजु भण्डारी रहेका छन् । घाईते सबैकाे प्राथमिक स्वास्थ्यचाैकि जाेहाङ्गमा उपचारत भईरहकाे प्रहरीले जनाएको छ ।