मोबाइल चार्ज गर्दा करेन्ट लागेर महिलाकाे मृत्यु

पाल्पा,असार ५ । पाल्पामा मोबाइल चार्ज गर्दा करेन्ट लागेर एक महिलाको ज्यान गएको छ । जिल्लाको रिब्दीकोट गाउँपालिका – ३ हिरापोखरा आर्यडाँडा बस्ने ३५ बर्षीया निरा विश्वकर्माको करेन्ट लागेर मृत्यु भएको प्रहरीले बताएको छ ।

शनिबार विहान आफ्नै घरमा मोबाइल चार्ज गर्ने क्रममा ग्रिलमा बिजुलीको नाङगो तार सर्ट भएर करेन्ट लाग्दा उनको मृत्यु भएको जिल्ला प्रहरी कार्यालय पाल्पाका डिएसपी रामेश्वर त्वातीले जानकारी दिए ।

मृतक निरासँग दुई छोराछोरी र बहिनि बस्दै आएका थिए । मृत्कका श्रीमान हाल रोजागरीको शिलसिलामा भारतको पन्जावमा रहेका छन । घटना बारे थप अनुसन्धान भईरहेको डिएसपी त्वातीले बताए ।