नेपालमा २६ सय ७ जनामा संक्रमण पुष्टि
काठमाडौं, असार ३ । नेपालमा बितेको २४ घण्टामा कोरोना भाइरसका २ हजार ६ सय ७ जना संक्रमित थपिएका छन् । यससंगै कुल संक्रमितको संख्या ६ लाख १५ हजार ९ सय ८४ पुगेको स्वास्थ्य तथा जनसंख्या मन्त्रालयले जनाएको छ ।
२४ घण्टा समयावधिमा २१ सय ४१ जना संक्रमणमुक्त भएका छन् । हालसम्म नेपालमा ५ लाख ४५ हजार ६ सय ६२ जना संक्रमणमुक्त भएका छन् ।
सोही समयमा १२ हजार ४ सय ८४ जनाको परीक्षणबाट ७ हजार ७ सय ११ जनाको पिसीआर विधि र ४ हजार ७ सय ७३ जनाको एन्टिजेन विधिबाट संक्रमण पुष्टि भएको हो ।